Yeni il bayramı və 2018-ci il üçün qeyri iş günləri açıqlanıb [AZ]
Xəbər verilir ki, 31 Dekabr – Dünya Azərbaycanlılarının Həmrəylik günü, 1, 2 yanvar – Yeni il bayramı qeyri-iş günüdür. 31 dekabr bazar gününə təsadüf etdiyindən, Əmək Məcəlləsinə əsasən iş və istirahət günlərinin yerləri dəyişdiriləcək, 3 yanvar qeyri-iş günü olacaq.
Beləliklə, Yeni il bayramı ilə əlaqədar 5 gün ardıcıl (30 dekabr – şənbə günü, 31 dekabr, 1, 2, 3 yanvar) iş olmayacaq.
Nazirlər Kabineti 2018-ci ilin Novruz, Ramazan və Qurban bayramları barədə qərar verib.
Nazirlər Kabinetinin mətbuat xidmətindən verilən məlumata görə, qərara əsasən, 2018-ci ildə 20, 21, 22, 23, 24 mart Novruz bayramı, 15, 16 iyun Ramazan bayramı, 22, 23 avqust Qurban bayramıdır.
Hökumətin qərarına əsasən, 2018-ci ildə 18 qeyri-iş günü nəzərdə tutulub. Qanunvericiliyə uyğun olaraq həmin günlər iş günü hesab edilmir.
Saytın məlumatlarından istifadə edərkən link ilə istinad mütləq vacibdir!
- Published in News of Azerbaijan, weNews
Fotoşəkillərin keyfiyyətini yüksəldən yeni proqram hazırlanıb [AZ]
“Google” korporasiyası “Android” əməliyyat sistemi üçün fotoşəkillərin keyfiyyətini yüksəldən xüsusi proqram hazırlayıb.
dni24.com saytına istinadla xəbər verilir ki, “Android” sistemi ilə işləyən smartfonların istehsalçıları qurğunun kamerasının işini tənzimləmək ehtiyacı duyurlar. Bəzən fotoçəkilişin keyfiyyəti ürəkaçan olmur. Şirkətin mütəxəssisləri bu nasazlığı aradan qaldırmaq üçün “Android 7.0 Nougat” əsasında işləyən bütün qurğulara uyğun gələn “Google.Camera” proqramını hazırlayıblar.
Proqramın işini “Android”in daha erkən versiyaları ilə uyğunlaşdırmaq mümkün deyil. Proqram xüsusi alqoritmlərdən istifadə etməklə təsvirin ötürülməsi zamanı şəkilləri daha aydın və keyfiyyətli edir.
Mənbə: azertag.az
Saytın məlumatlarından istifadə edərkən link ilə istinad mütləq vacibdir!
- Published in weTechnology
Alimlər smartfonların orqanizmə mənfi təsirləri haqqında xəbərdarlıq ediblər [AZ]
ABŞ-ın Səhiyyə Nazirliyi mobil telefonlar və smartfonların orqanizmə mənfi təsirləri haqqında yeni məlumat dərc edib. Elektromaqnit şüalanmasının sızmasını aşkarlayan tədqiqatçılar istifadəçilərə bununla bağlı xəbərdarlıq etməyə qərar veriblər. Nazirlik qurğunu bədəndən mümkün qədər uzaqda saxlamağı tövsiyə edir.
hi-tech.mail.ru saytına istinadla xəbər verilir ki, səhiyyə mütəxəssisləri mobil telefonlardan ayrılan enerjinin uzunmüddətli təsirindən ehtiyatlı olmaq üçün ciddi səbəblərin olduğunu bildiriblər. Həkimlər telefonu cibdə, uzun müddət danışarkən qulağa yaxın, gecələr çarpayının yanında saxlamamağı məsləhət görürlər. Həmçinin hərəkətdə olan avtomobil, avtobus və ya qatarda telefonun adi vaxtda olduğundan daha çox enerji yaydığı müəyyən edilib.
Ekspertlər insanların mobil telefonlardan istifadə riskini düzgün qiymətləndirmədiklərini bildirirlər. Çünki istehsalçılar mobil qurğuların sağlamlığa mənfi təsirləri ilə bağlı lazımi testləri keçirmirlər, çox vaxt onların nəticələrini gizlədirlər.
Mənbə: azertag.az
Saytın məlumatlarından istifadə edərkən link ilə istinad mütləq vacibdir!
- Published in Folk Medicine, weHealth, weNews, weTechnology
Sifətin tanınması üzrə ən yaxşı texnologiya [AZ]
ABŞ-ın kəşfiyyat sahəsində qabaqcıl tədqiqatlar agentliyi ilə Standartlar və Texnologiyalar üzrə Milli İnstitutunun sifətin tanınması alqoritmləri üzrə birgə təşkil etdiyi müsabiqənin qalibi “NtechLab” şirkəti olub.
tvzvezda.ru saytına istinadla xəbər verilir ki, 2015-ci ildə əsası qoyulan “NtechLab” şirkətinin sifətin tanınması üzrə alqoritmi “FindFace” proqramının əsasını təşkil edir. Alqoritm “Vkontakte” sosial şəbəkəsində insanları onların fotoları üzrə axtarmağa imkan verir və lazım olan şəxsi bir milyard insan arasında 0,5 saniyə ərzində tapır.
“NtechLab” şirkəti hazırda ABŞ-ın Milli Kəşfiyyat İdarəsinin tabeçiliyində fəaliyyət göstərir.
Mənbə: azertag.az
Saytın məlumatlarından istifadə edərkən link ilə istinad mütləq vacibdir!
- Published in weTechnology
Robotlar dad və qoxunu hiss edəcəklər [AZ]
Böyük Britaniyanın paytaxtı Londonda və İsveçrənin Lozanna şəhərində fəaliyyət göstərən və robot texnikasına istiqamətlənmiş “Rewired” vençur studiyası dad və qoxunun rəqəmsallaşdırılması üsulunu tapmış “Aromyx” şirkəti ilə əməkdaşlıq haqqında razılığa gəlib.
“Aromyx” dad və qoxunun rəqəmsallaşdırılmasını təmin etməyə imkan verən texnologiyanın hazırlanması ilə məşğul olur. Şirkət insana xas olan iybilmə sistemini yaradıb.
3dnews.ru saytına istinadla xəbər verilir ki, dad və qoxunun rəqəmsal təqlidi mühəndislər, bioloqlar və kimyaçılar üçün çətin məsələ idi, çünki bunun üçün hər üç sahənin əlaqələndirilməsi tələb olunurdu. Lakin Stenford Universitetinin alimləri ilə əməkdaşlıq edən “Aromyx” insanın hiss orqanlarının beyinə göndərdiyi biokimyəvi siqnalların yenidən yaradılması və bu siqnalların informativ yolla ölçülməsi üsulunu aydınlaşdırıb. Bu üsulla birdəfəlik istifadə üçün nəzərdə tutulan, müxtəlif mühitlərə uyğunlaşdırılan biosensor “EssenceChip” yaradılıb. Bu texnologiyanın tətbiq dairəsi kifayət qədər genişdir. “Aromyx” robot texnikası üçün də böyük imkanlar yaradacaq. “Rewired” vençur studiyasının nümayəndələri iddia edirlər ki, sensor qabiliyyətlərin yaxşılaşdırılması növbəti nəsil “ağıllı” robotların yaradılmasına yol açacaq.
Mənbə: azertag.az
Saytın məlumatlarından istifadə edərkən link ilə istinad mütləq vacibdir!
- Published in weTechnology
Yapon komandası “Lunaxod”unu Hindistanda keçirilən beynəlxalq müsabiqəyə göndərib [AZ]
Aya uçuş üzrə müsabiqədə iştirak edən yapon komandası öz “Lunaxod”unu Hindistanda keçirilən beynəlxalq müsabiqəyə göndərib.
NHK telekanalına istinadla xəbər verilir ki, “Lunaxod”un gələn il raket vasitəsilə kosmosa göndərilməsi planlaşdırılır.
“Sorato” adlanan “Lunaxod” özündə tədqiqatçıları və mühəndisləri birləşdirən yapon şirkəti tərəfindən hazırlanıb.
Məlumatda bildirilir ki, dünyada ilk dəfə fərdi sektorun iştirakı ilə Ay missiyasının təşkili üçün Google Lunar XPRIZE tərəfindən təşkil edilən müsabiqədə ABŞ və İsrail də daxil olmaqla beş komanda iştirak edir.
Ümumi mükafat fondu 20 milyon dollar təşkil edən müsabiqənin qalibi Ay üzərində ilk 500 metr məsafəni qət edən, onun səthindən video və foto materiallar göndərən komanda hesab ediləcək.
“Lunaxod”u Aya çatdıracaq raketin gələn ilin martında kosmosa buraxılacağı gözlənilir.
Mənbə: azertag.az
Saytın məlumatlarından istifadə edərkən link ilə istinad mütləq vacibdir!
- Published in weTechnology, weUniverse